January 29, 2023

Virgin Orbit dështoi lansimin e satelitit të parë të Britanisë

Përpjekja e parë e Britanisë për të lëshuar një satelit dështoi pak para mesnatës së të hënës, kur kompania e lansimit Virgin Orbit raportoi një “anomali” që pengoi raketën të arrinte në orbitë.

Misioni Start Me Up u ngrit nga pista në aeroportin Cornwall Newquay me raketën Virgin’s LauncherOne të mbajtur nën krahun e një Boeing 747 të modifikuar dhe të lëshuar më vonë mbi Oqeanin Atlantik.

Por pak para mesnatës, një përfaqësues i Virgin Orbit njoftoi drejtpërdrejt se raketa kishte pësuar një “anomali” që e pengoi atë të arrinte në orbitë.

“Duket se kemi një anomali që na ka penguar të arrijmë në orbitë”. Ne jemi duke e vlerësuar informacionin”, njoftoi Virgin Orbit.

Raketa duhej të ndizte motorin e saj në një lartësi prej rreth 10 mijë kilometrash mbi Atlantik dhe të transportonte nëntë satelitë të vegjël, me aplikime të ndryshme civile dhe mbrojtëse, në orbitën e Tokës.

Autoriteti i Aviacionit Civil të Britanisë (CAA) ka autorizuar Virgin Orbit, pjesërisht në pronësi të miliarderit Richard Branson, për të kryer nisjen e parë të Britanisë në hapësirë.

Qindra njerëz panë raketën Boeing 747 të ngrihej nga Newquay rreth orës 22:15, ndërsa kënga Start Me Up e Rolling Stones, pas së cilës është emëruar misioni, luhej në altoparlantë.

Ishte hera e parë që satelitët lëshoheshin nga Evropa.

CNN Business