January 28, 2023

Futbollistet dhe basketbollistet e Real Madridit do te ngasin makina elektrike BMW

Real Madrid dhe BMW kanë nënshkruar marrëveshje për të zhvilluar iniciativa të ndryshme në fushën e lëvizshmërisë, qëndrueshmërisë dhe diversitetit në të ardhmen. Në këtë event morën pjesë Florentino Perez, president i klubit të futbollit Real Madrid, Manuel Teroba, president ekzekutiv i BMW Group për Spanjën dhe Portugalinë.

Si pjesë e kësaj marrëveshjeje, ekipet e futbollit të kategorisë së parë të Real Madridit, ekipet e basketbollit për meshkuj dhe femra, si dhe ekipi teknik dhe drejtuesit e klubit, do të kenë në dispozicion automjete BMW 100% elektrike. Klubet do të kenë mundësinë të ngasin ndonjë nga BMW-të e: iX, i4, iX3, i7 ose iX1.

Për kujtesë, Audi ka qenë sponsori kryesor i Real Madridit që nga viti 2003.

Përveç kësaj, BMW Spain dhe Real Madrid do të krijojnë një qendër bashkëpunimi, një “qendër qëndrueshmërie”, e cila do të shërbejë si një gjenerues idesh që synojnë promovimin e projekteve inovative që kanë një ndikim pozitiv në mjedis dhe shoqëri.

Real Madrid